تواصل الفرقة الفنية “سي كمال وبنيتاتو” التعبير عن موقفها في العديد من القضايا المجتمعية بطريقتها الخاصة، فبعد انتشار جملة “سافر أنت لست شجرة” على مواقع التواصل الاجتماعي، نشرت الصفحة الرسمية للفرقة صورة جديدة تنتقد فيها الرشوة.
وجاء في اللافتات التي ظهرت الفتيات الثلاث المشاركات في الفرقة “الرشوة في خدمة المواطن”، وهي جملة اعتبروها “ساركازم وتهكم”على الوضعية الاجتماعية التي يعيشها المجتمع المغربي.
وأوضحت الصفحة في تدوينة مرفقة مع الصورة: “الرشوة للأسف هي باش عايش المجتمع المغربي غي هو كاين للي كيسميها تضويرة أولا قهيوة وتختلف الأسماء كلها أوجه لعملة واحدة، بعض الوظائف وأي مغربي عارفهم ميمكنش يقبلوك فيهم من غير إلا عطيتي لقهيوة للي كتوصل حتى لخمسة ديال المليون، والنتيجة كتكون معروفة وهي أنه منين كيتوظف عن طريق الرشوة مكيكونش في خدمة المواطن لكن كيكون في خدمة راسو كيفكر غي فالدار بلكريدي والمدام حاملة وسالير ما قادوش لهادشي كامل وما خفي كان أعظم، يعني المواطن للي كيتوظف مكيكونش في خدمة المواطن كما يروجوه في شعاراتهم”.
وأضافت: “الرشوة من الأمور للي بداو بيها الدول المتقدمة هي اللولة عاد كملو طريق، حتى حنا ولله الحمد جميع الإدارات معلقين فيهم لا للرشوة وكيعلمونا من الصغر الراشي والمرتشي والرائش بينهما كلهم ملعونين، وفالحقيقة للي ملعون هو للي كيبقى شاد الصف وكيرفض يعطي الرشوة، للي ملعون هو للي كيبقى بيطالي 15 لسنة باش ميعطيش الرشوة ويخدم وظيفة نبيلة عن جدارة واستحقاق، للي ملعون هو للي رفض يعطي 300 درهم باش ياخد لبيرمي وراكم عارفين كواليس امتحان نيل رخصة السياقة، ونعاودو نقولوها ما خفي كان أعظم”.
وأردفت: “كيف قلنا المشكل فينا علاش منتافقوش كاملين على حاجة وحدة؟ نتافقو على الشفافية والمصداقية وللي يستحق ينجح هو للي ينجح وللي جا قبل للصف هو للي يسبق، كنصبرو على كولشي ومكنصبروش على الرشوة منعطيوهاش؟”.
وأضافت: “نتمناو الجانب زوين فهاد العمل يوصل للناس كاملين ويفهمو أن الرشوة تنخر عظامنا وليست في مصلحة أي واحد فينا هوما دارونا الرشوة غي باش يحسسونا بالذنب ونكونو حتى حنا مسيئين للوطن حتى حنا خايبين…الرشوة تنخر عظام الوطن لا لنشر ثقافة إعطاء الرشوة… المكان للي صورنا فيه الجملة هو فين كيدوزو الناس لبيرمي في مدينة فاس والناس للي دوزو لبيرمي فمدينة فاس غادي يفهمو المغزى من “اختيار هاد المكان.”
وختم “سي كمال وبنيتانو” تدوينتهم: “شكرا لضيف الشرف فهاد الجملة المثيرة صاماتي من نواحي مراكش والمقيم فالسعودية”.
يشار أن الفرقة كانت قد أثارت جدلا واسعا بعد نشرها صورا تشجع فيها على السفر عبر جملة “سافر أنت لست شجرة” والتي انتشرت على مواقع التواصل الاجتماعي بشكل لافت.
