أمينوكس يلغي سهرته بأكادير و يطلق “جهدي تسالا” الأسبوع المقبل

سبوع واحد فقط باقي على إطلاق الجديد ديال أمينوكس “جهدي تسالا”، اللي قرّر أنه يخرّجو فالأسبوع الأول ديال شهر يناير 2017.

هاد العمل الجديد هو من كلمات وألحان أمين تمري “أمينوكس”، وتوزيع بلال أفريكانو، وغيكون ضمن الألبوم ديالو الأول”Follow me”  اللي خدام عليه، واللي غيكون فيه 5 ديال الأغاني بالستيل الموسيقي اللي معروف بيه أمينوكس.

ودائما حسب تصريحات أمينوكس فاتصال سابق مع HITRADIO.ma، فأغاني الألبوم الجديد غتخرج فعام 2017 بفرق شهرين أو 3 شهور على بعضياتها، وغيكونو على شكل Single و Lyrics Video.

وللإشارة، فحسب ما علم HIT RADIO، فحفل أمينوكس لي كان غيتنظم فأكادير بمناسبة رأس العام تلغى لأسباب خاصة.

المصدر HIT RADIO