في اول تعليق له على ما جرى لاخته حنان و الشيخ الفيزازي ، انتقد المهدي زعبول اسلوب الشيخ الفيزازي زوج اخته في خروجاته المختلفة ، كما روى ضروف اخته و معاناتها مع مرض ذكر انه ناتج عن اعمال سحر لازمها حتى طلاقها من زوجها الاول نافيا تهم الشيخ لاخته بممارسة الدعارة
و فيما يلي تدوينة المهدي زعبول كما نشرها في صفحته الرسمية :
” ….ماكنتش باغي نتكلم عن هاذ الموضوع و الله و حاولت باش ندخل بالخيط البيظ بينهما و لكن الشيخ تمادى كثيرا الله يسمح ليه
حنان اختي اختك ابنتك و ممكن يوقع هاد الشي لي وقع ليها لأي بنت مغربية ختي ختك بنتي او بنتك
و انا عبدو ربه اللي تكفلت بيها و ربي شاهذ علي مباشرة من بعد بطولة المغرب قطعت كلشي تمرين اكل كل شيئ باش ندور بيها عند الفقهاء و الرقاة حتى ولات شوية الحمد لله لكن تسبب ليها في الطلاق و هذا هو نقطة التحول عندها اصبحت تفكر في الانتحار و رجع ليها هداك السحر رمضان كله بذون اكل و لا نوم دائما معها و قسم انني ابكي عليها كل مرة ملي يشدها الجن و يبدا يتكلم بصوتها و الحمد لله بقينا حتى رجعات تاني شوية رجع انا لكازا للعمل و التمرين صيفطات لي ميساجات قالت لي باللي شي شيخ ما شيخ طلب منها الزواج قلت ليها ما عندك ما ديري بيه ما يصبحش ليك انتي مزال مريضة ارتاحي وانا نصرف عليك مشيت للجزائر نشارك في بطولة البحر الابيض و افريقيا حتا قالي خويا راه السيد جا يتكامل معها قلت صافي الله يسر………….
فقط بغيت نسول الشيخ او الفم الذي ينطق بالعاهرة واش هاد السيدة جبتيها من بار جبتيها كاباري
باش تقول عليها هاد الكلام يا القدوة ديالنا يا شيخنا
لكن مشيت طبقت السنة و الكتاب و حكمت نفسي و لنصلي قدامهم و ما ندير الحاجة الخيبة و الان اقسم بالله الذي لا اله الا سواه زوجتي قطعت كلشي و اصبحت تصلي معي.
وأخيرا شكرا لكل من سبني و عيرني و طعن في الكرامة ديالي حسبي الله و نعمة الوكيل
و شكرا للناس إليّ ذخلوني و جبدونا في القضية و لاحو تصاوري الله ياخد فيهم الحق اخوها الرياضي
